pawb

gwasanaethau

Mae Pawb yn rhoi atebion hyblyg i anghenion ein cleientiaid. Gyda staff profiadol ac agored, rydym yn fodlon sgwrsio gyda chi am unrhyw brosiect, gyda’r nod o allu cynnig ateb fydd yn adlewyrchu beth ydych yn ceisio ei gyflawni a maint eich cyllid.

Ceir esiamplau isod o’r mathau gwahanol o wasanaethau rydym yn ei gynnig; tydi’r rhestr ddim yn un trylwyr gan ein bod yn addasu ein gwasanaethau yn ôl anghenion bob cleient a chynulleidfa.

Am fwy o wybodaeth am brosiectau diweddar, cerwch i’n adran newyddion neu adran brosiectau.

Rheoli prosiectau & ymgyrchoedd

Gallwn gynnig gwasanaeth rheoli prosiectau wedi ei deilwra’n union i’ch anghenion fel cleient, yn seiliedig ar flynyddoedd o brofiad mewn meysydd amrywiol. Yn fawr neu fach, gallwch fod yn hyderus fydd Pawb yn gallu cynllunio, cydlynu a chyflawni eich prosiect. Mae ein cleientiaid yn cynnwys darlledwyr, cwmnïau cynhyrchu, undebau a mudiadau gwirfoddol.

Gwasanaethau ategol i’r cyfryngau a’r sector gwirfoddol

Mae Pawb yn gweithio’n agos gydag ystod o gwmnïau a mudiadau yn y cyfryngau a’r sector gwirfoddol. Mae gennym brofiad o redeg cyrsiau hyfforddi arbenigol, ymgyrchoedd cysylltiadau cyhoeddus ac ymgyrchoedd hel gwybodaeth, yn ogystal â gwasanaethau craidd i raglenni, megis llinellau cymorth, llinellau pleidleisio neu wasanaethau tecstio.

Gwasanaethau ymchwil

Mae gan Pawb adnoddau ymchwil ar amrywiaeth mawr o bynciau gwahanol, sy’n cael eu hadnewyddu bob tro mae prosiect newydd yn cael ei gomisiynu. Mae’r adnoddau yma yn cynnwys gwybodaeth ar ôl rhaglenni am bynciau cymdeithasol fel edrych ar ôl yr henoed neu broblemau cyffuriau h.y. gwasanaethau i wylwyr gysylltu am gefnogaeth bellach, neu wybodaeth ychwanegol ar ôl rhaglenni dogfen hanesyddol e.e. ar sut i hel achau neu ar gyfnod hanesyddol penodol. Mae gennym hefyd y dechnoleg a’r gallu i redeg ymchwil dros y ffôn unai yn fyw neu yn awtomatig.

Gwasanaethau telemarchnata & SMS

Mae gan Pawb ddewis o rifau 0800 a 0845 sy’n cael eu defnyddio ar gyfer llinellau cymorth, cystadlaethau byw a rhaglenni ffonio i mewn. Mae gennym linellau gwybodaeth wedi eu recordio fel fod pobl yn gallu ffonio i wrando am wybodaeth perthnasol mewn pwnc penodol. Gallwn gynnig gwasanaethau SMS i gystadlaethau ac ymgyrchoedd cysylltiadau cyhoeddus yn ôl eu haddasrwydd, yn ogystal â rhifau sy’n codi arian.

Cynnwys i’r we, llyfrynnau a thaflenni

Mae gan Pawb hanes sylweddol o ymchwilio ac ysgrifennu cynnwys ar amrywiaeth mawr o bynciau i gyd-fynd gyda rhaglenni teledu, o faterion cyfoes i ddrama neu raglenni hanesyddol, yn ogystal ag ymchwilio ac ysgrifennu i fudiadau gwirfoddol. Gellir defnyddio cynnwys fel hyn ym mha bynnag gyfrwng mae’r cleient ei angen yn ôl y prosiect.

Llinellau cymorth, cystadleuaeth a phleidleisio

Gyda chanolfan galw o faint rhesymol, rydym yn gallu cynnig llinellau cymorth byw ar ôl rhaglenni, gyda staff arbenigol a pherthnasol i’r pwnc wrth law os yn fater cymdeithasol sensitif. Gallwn hefyd gynnig llinellau byw neu awtomatig i bopeth o gystadlaethau plant i gystadlaethau talent cenedlaethol.

CYSYLLTWCH Â PAWB HEDDIW