Siân yw un o’r ddau gyfarwyddwr a sefydlodd Pawb. Ei phrif rôl o fewn y cwmni yw i ehangu’r busnes drwy ddatblygu prosiectau newydd ac i roi arweiniad strategol ar weithgareddau’r cwmni. Mae hi hefyd yn darparu cefnogaeth i fusnesau newydd a hyfforddiant busnes i unigolion.

Dechreuodd Siân ei gyrfa yn y cyfryngau drwy weithio yn adran cynhyrchu HTV Cymru. Gadawodd y darlledwr i weithio fel Rheolydd Cynhyrchu llawrydd yn arbenigo mewn dogfen a drama. Trwy ei brwdfrydedd am deithio a diwylliannau eraill mae hi wedi gweithio ar ystod o raglenni dogfen, yn cynnwys rhai ar yr Indiad Cree yng Nghanada, gweithfeydd dur yn yr Ukraine a cherddoriaeth ym Mali a Senegal. Mae ganddi radd mewn cymdeithaseg a gwleidyddiaeth ac mae hi wedi gweithio ar raglenni dogfen amrywiol iawn fel Rheolydd Cynhyrchu/ymchwilydd, yn cynnwys rhaglen ar Pwll Glo Tower yn Ne Cymru, merched yn y carchar, trais yn y cartref a iechyd meddwl.

Yn dilyn ei gyrfa yn y cyfryngau, ymunodd Siân gyda’r elusen darlledu BSS, ble ddaeth yn rheolydd dros Gymru. Prif weithgareddau’r elusen oedd darparu gwybodaeth a chefnogaeth i wylwyr teledu a gwrandawyr radio, yn ogystal â rheoli Gwifren Gwylwyr S4C. Cyfarfu ei chyd-gyfarwyddwr Aelwyn Williams yno. Yn dilyn ail strwythuro o fewn yr elusen yn 2002, gwelodd y ddau gyfle i sefydlu eu cwmni eu hunain, sef Pawb.

Mae Siân hefyd wedi bod yn gweithio’n uniongyrchol ar brosiect llwyddiannus Potentia, gynt o dan Awdurdod Datblygu Cymru ac yn fwy diweddar o fewn Llywodraeth y Cynulliad. Nod y prosiect yw i helpu grwpiau sydd wedi ei dan gynrychioli o fewn byd busnes i sefydlu mentrau newydd a darparu ymgynghoriaeth a hyfforddiant arbenigol i ddarparwyr cefnogaeth busnes. Mae hyn wedi rhoi siawns i Siân defnyddio a ddatblygu ymhellach ei sgiliau ym meysydd cydraddoldeb, amrywioldeb a chefnogaeth busnes yn ogystal ag adeiladu cysylltiadau allweddol yn y meysydd yma drwy’r Deyrnas Unedig ac ar lefel rhyngwladol.

Aelwyn yw yn o cyd sefydlwyr Pawb, ac mae’n arwain ar gynllunio a chyflawni llawer o brosiectau y cwmni, yn ogystal â rhedeg y busnes o ddydd i ddydd. Mae hefyd yn gyfrifol am ddatblygu prosiectau newydd a goruchwylio agweddau technegol a thechnolegol y cwmni.

Yn wreiddiol o Wynedd, bu’n byw a gweithio mewn amryw i ddinas a gwlad cyn setlo yng Nghaerdydd. Yn ogystal â’r Gymraeg, mae’n rhugl mewn Sbaeneg, ar ôl gweithio fel athro a chyfieithydd yng Ngwlad y Basg am bum mlynedd. Astudiodd ym Mhrifysgol Leeds am ei radd cyntaf yn ogystal â’i waith ôl radd, a ganolbwyntiodd ar effeithiolrwydd polisïau addysg ddwyieithog.

Ar ôl dychwelyd i Gymru, ymunodd a’r elusen ddarlledu BSS fel swyddog prosiectau, gan gymeryd cyfrifoldeb dros redeg Gwifren Gwylwyr S4C a phrosiectau amrywiol eraill, yn cynnwys gwaith corfforaethol ar lefel y DU i’r elusen. Mae gan Aelwyn brofiad rheoli prosiectau eang iawn, gan iddo gydlynu, recriwtio, goruchwilio a chyflawni gwaith ar llu o wasanaethau, o linellau cymorth dros dro i wasanaethau ffôn a tecstio ym mron bob maes darlledu. Mae ganddo brofiad cynhyrchu ac wedi arfer gweithio gyda chwmnïau cynhyrchu a’r darlledwyr. Caiff llawer o foddhad wrth ymchwilio ac ysgrifennu deunydd i raglenni dogfen a newyddion, ac mae’n gyfrifol am bortffolio o wefanau a phrosiectau wedi eu cyflawni i S4C a’r BBC.

Mae Aelwyn hefyd yn ymwneud yn helaeth gyda’r sector gwirfoddol a mentrau cymunedol amrywiol, gan lywyddu grwpiau adnewyddu lleol a chymeryd rhan blaenllaw ar bwyllgor rheoli elusen gyffuriau llwyddiannus yng Nghaerdydd, yn ogystal â chyfrannu i grwpiau ymchwil a chynadleddau yn y sector.