Sefydlwyd Pawb gan ei ddau gyfarwyddwr ym mis Medi 2002. Rhyngddynt, mae yna brofiad eang ym myd darlledu, y sector gwirfoddol a’r sector cyhoeddus.

Cwmni dielw sy’n gyfyngedig drwy warrant yw Pawb. O’r dechrau, ein nod oedd i gyflenwi gwybodaeth dealladwy, diduedd i unigolion a grwpiau fel iddynt allu gwneud dewisiadau cytbwys. Rydym wedi ymdrin ag ystod eang o bynciau a materion cymdeithasol dros y blynyddoedd: rhai diarbed fel trais yn y cartref neu broblemau cyffuriau, eraill yn fwy addysgiadol a hamddenol eu naws, megis sut i hel achau, merched mewn chwaraeon neu bleidleisio am eich ffefryn mewn sioe dalent ar y teledu.

Ers sefydlu yn 2002, mae’r prosiectau yma wedi bod yn amrywiol iawn, gyda rhai yn cael eu cyflawni ar sail elusennol neu gymdeithasol sensitif, tra bod eraill yn gwbl fasnachol. Mae bob un gwasanaeth ar gael yn y Gymraeg a’r Saesneg, yn ogystal â ieithoedd eraill yn ôl yr angen.

Dangoswyd dros y blynyddoedd mai un o gryfderau Pawb yw ein bod yn creu cysylltiad cryf rhwng y cleient a’r gynulleidfa, ond hefyd rhwng mudiadau a sectorau gwahanol, yn enwedig y cyfryngau a’r sector dielw.